The News Sponsor By
feature-top
feature-top

பாகிஸ்தான் பங்குச் சந்தை அலுவலகத்தில் மேற்கொள்ளப்பட்ட துப்பாக்கி சூட்டில், 10பேர் உயிரிழந்துள்ளதாக தெரிவிக்கப்பட்டுள்ளது.

இந்த தாக்குதலின் சுற்றுவளைப்பின் போது, நான்கு துப்பாக்கிதாரிகளை பாதுகாப்புப் படையினர் சுட்டுக் கொன்றுள்ளனர்.

இந்த தாக்குதலில் நான்கு பாதுகாப்பு காவலர்கள், ஒரு துணை பொலிஸ் அதிகாரி மற்றும் பொதுமக்களில் ஒருவரும் உயிரிழந்துள்ளதாக செய்திகள் தெரிவிக்கின்றன.

இந்த தாக்குதல் நடவடிக்கையின் போது, ஏ.கே.47 துப்பாக்கிகள், கைக்குண்டுகள், துப்பாக்கி ரவைகள், பிற வெடிபொருட்கள் கைப்பற்றப்பட்டுள்ளன.

துப்பாக்கிதாரிகள், நீண்ட முற்றுகைக்கு திட்டமிட்டு, பங்குச் சந்தை அலுவலகத்தை தாக்கியிருக்கலாம் அதிகாரிகள் சந்தேகிக்கின்றனர்.

உயர் பாதுகாப்பு மண்டலத்தில் உள்ள இந்த கட்டடத்தில் பல தனியார் வங்கிகளின் தலைமை அலுவலகங்களும் உள்ளன.

Share This News
feature-top
feature-top