கனடா முழுவதும் பதிவுசெய்யப்பட்ட COVID-19 பாதிப்புகளின் எண்ணிக்கை, புதிய சுகாதார அறிவிப்புகளை வெளியிட வேண்டிய கட்டாயத்துக்கு தள்ளியுள்ளது.

கொரோனா தொற்றால் பாதிக்கப்பட்ட சுகாதார ஊழியர்களுக்கான தனிமைப்படுத்தப்பட்ட காலம், அவசரகால சூழ்நிலைகளில் 10 நாட்களில் இருந்து ஏழு நாட்களாக குறைக்கப்படும் என்று கியூபெக் சுகாதார அதிகாரிகள் தெரிவித்தனர்.

மனிடோபாவும், ஒன்றாரியோவும் கியூபெக்கின் அதே நடவடிக்கைகளைப் பரிசீலிப்பதாகக் கூறியுள்ளன.

தற்போது, ​​கனடா பொது சுகாதார நிறுவனம், COVID-19 தொற்றால் பாதிக்கப்பட்டநபர்கள், அறிகுறிகள் தோன்றியதிலிருந்து குறைந்தபட்சம் 10 நாட்களுக்கு தனிமைப்படுத்தப்பட வேண்டும் என்று பரிந்துரைக்கிறது.

புதன்கிழமை கனடா முழுவதும் நோய்த்தொற்றுகள் தொடர்ந்து அதிகரித்தன. வேகமாக பரவக்கூடிய ஓமிக்ரான் மாறுபாடு காரணமாக சில மாகாணங்களில் அதிக கட்டுப்பாடுகள் விதிக்கப்பட்டுள்ளன.

சில மாகாணங்களில் நூலகங்கள், உடற்பயிற்சி கூடங்கள், அரங்கங்கள் மற்றும் தேவாலயங்கள் ஆகியவை மூடப்பட்டிருக்க வேண்டும் எனவும், உணவகங்கள் உணவு எடுத்துக்கொள்வதற்கு மட்டுமே அனுமதிக்க வேண்டும் எனவும் அறிவுறுத்தப்பட்டுள்ளது.

சில மாகாணங்கள் புதிய அறிவிப்புகளை வெளியிட்டதால், ஒன்ராறியோவில் உள்ள பெற்றோர்களும் எதிர்க்கட்சி உறுப்பினர்களும் மாகாண அரசாங்கம் பள்ளிக்குத் திரும்பும் திட்டத்தை தெளிவுபடுத்துவதற்காக இன்னும் காத்திருப்பதாகக் குறிப்பிட்டனர். குளிர்கால விடுமுறை முடிவதற்கு இன்னும் சில நாட்களே உள்ள நிலையில், மாணவர்கள் நேரில் வகுப்புக்குத் திரும்புவார்களா என்பது இன்னும் தெரியவில்லை என்று அவர்கள் கூறினர்.