Published:20.11.2023Category:India

சூட்கேசில் இளம்பெண்: சாலையோரம் வீசப்பட்டதால் பரபரப்பு!

இந்தியாவில் மும்பை குர்லா பகுதியில் சாலையோரம் கிடந்த சூட்கேஸில், இளம்பெண்ணின் உடல் இருந்த சம்பவம் பெரும் பரபரப்பை ஏற்படுத்தியுள்ளது.

உடனடியாக இறந்த பெண்ணின் சடலத்தை மீட்ட போலீஸார், பிரேத பரிசோதனைக்காக சிவில் மருத்துவமனைக்கு அனுப்பி வைத்தனர். இறந்த பெண் யார், அவர் மும்பையைச் சேர்ந்தவரா அல்லது வேறு மாநிலத்தவரா என்பது குறித்த தகவல்கள் எதுவும் இதுவரை கண்டறியப்படவில்லை என போலீஸார் தெரிவித்துள்ளனர்.

அந்த பெண்ணினை உடலைப் பார்க்கும்போது, அவரது வயது 25 முதல் 35 வயதிற்குள் இருக்கலாம் என்று மதிப்பிடப்பட்டுள்ளது. அந்த பெண் டீ-சர்ட் மற்றும் டிராக் பேண்ட் அணிந்திருந்ததாக போலீஸார் தெரிவித்துள்ளனர்.

இதுகுறித்து வழக்குப் பதிவு செய்துள்ள மும்பை போலீஸார், அப்பகுதியில் பொருத்தப்பட்டுள்ள சிசிடிவி கேமரா பதிவுகளையும் ஆய்வு செய்து வருகின்றனர்.

https://www.thedipaar.com